Lindi në Ulm, një qytet në jug të Gjermanisë, që kishte nje katedrale madhështore. Ai u cilësua nga revista “Time” si “Personazhi i shekullit XX”. Po përse? Edhe pse i vogël nuk shquhej për ndonjë aftësi të madhe, shumë shpejt ai shfaqi interesin dhe aftësinë e tij për të reflektuar mbi qasjet e fizikës bashkëkohore. Më pas, puna e tij mbi dritën, elektrodinamikën, energjinë, hapësirën dhe kohën e bënë botërisht të famshëm, pasi konfirmonin teori të shkuara apo që zbulonin dilema pasionuese të fizikës. Pavarësisht kontributit të tij të jashtëzakonshëm në fushën ë shkencës, ai ishte një njeri si gjithë të tjerët, të cilit i pëlqente të luante në violinë.
| Autor: | Lluis Cugota |
|---|---|
| Botues: | Albas |
| Përktheu: | Viola Dona |
| Viti i botimit: | 2014 |
| Faqet: | 64 |
| ISBN: | 978-9928-02-442-8 |
600L
Familja Draling jetonte në një shtëpi të madhe e të bukur. Ajo përbëhej nga prindërit, vajza e madhe Uendi, dy vëllezërit e saj të vegjël, Xhani e Mikeli dhe qeni Nana. Një mbrëmje një djalë i vogël i çuditshëm hyri nga dritarja duke fluturuar. Kështu fillon historia e mrekullueshme e Piter Panit, djaloshit që nuk rritej, e cila vjen në këtë libër, e ritreguar plot humor dhe mjeshtëri, e shoqëruar me ilustrime fantastike. Uendi, Xhani dhe Mikeli përfshihen në një aventurë, së bashku me Piter Panin në Ishullin që nuk është. Mësoni më shumë për aventurat e tyre duke lexuar këtë libër.
| Autor: | James Matthew Barrie |
|---|---|
| Botues: | Albas |
| Përktheu: | Rudina Çupi |
| Përgatiti: | Guido Sgardoli |
| Viti i botimit: | 2014 |
| Faqet: | 80 |
| ISBN: | 978-9928-02-485-5 |
Personazhi i Pinokut vjen në një përkthim të ri, të këndshëm dhe shumë argëtues, Ju do të njiheni me aventurat e kukullës prej druri, që s’do të shkojë në shkollë dhe që futet në telashe të njëpasnjëshme. Por ai ia del në fund të bëhet një djalë prej vërteti, sepse është zemërmirë, i do dhe i ndihmon të gjithë ata që has gjatë aventurave të tij, dhe veçanërisht do babanë e vet, Xhepeton e moshuar, dhe Zanën, mirëbërësen e tij të kudogjendur.
| Autor: | Carlo Collodi |
|---|---|
| Botues: | Albas |
| Përktheu: | Lejbjana Hyseni |
| Përgatiti: | Roberto Piumini |
| Viti i botimit: | 2015 |
| Faqet: | 80 |
| ISBN: | 978-9928-02-609-5 |
Vogëlushja Adelajde, ose siç e thërrasin të gjithë, Hajdi, jeton në malet e Zvicrës me gjyshin e saj. Asaj i pëlqen të luajë me mikun e saj, Peter dhe me kopenë e dhive. Po Hajdi shkon edhe në qytet, ku takon një mikeshë të re, Klarën. Por atë e merr malli shumë për gjyshin dhe shtëpinë. A do rikthehet Hajdi në mal?
| Autor: | Johanna Spyri |
|---|---|
| Botues: | Albas |
| Përktheu: | Sofiana Filipi |
| Përgatiti: | Chiara Carminati |
| Viti i botimit: | 2014 |
| Faqet: | 80 |
| ISBN: | 978-9928-02-478-7 |
Thesari i kapitenit Flint, piratit më gjakatar të të gjitha kohërave, ka qëndruar i fshehur në një ishull të largët. Harta e thesarit i bie në dorë Xhim Hokinsit, një djaloshi që punonte në bujtinën e prindërve. Bashkë me doktor Levsin, kavalier Trelaunin dhe një karakter të dyshimtë të quajtur Xhon Silveri i Gjatë, ata do të vihen në kërkim të thesarit. Çfarë të papriturash e presin të riun Xhim?
| Autor: | Robert Louis Stevenson |
|---|---|
| Botues: | Albas |
| Përktheu: | Viola Dona |
| Përgatiti: | Pierdomenico Baccalario |
| Viti i botimit: | 2014 |
| Faqet: | 80 |
| ISBN: | 978-9928-02-477-0 |
Tabela e madhe magnetike - Spaceboard 
Ishulli i thesarit 
Aventurat e Pinokut (për të vegjël) 
Aventurat e Pinokut 
