Djaloshi çapkën, Tom Sojer dhe miku i tij Hak Fin rikthehen me aventurat e tyre në brigjet e Misisipit. Gardhit i duhet një dorë bojë, por Tomi përton si dreqi. Si do të shpëtojë ai nga kjo angari? Aventura me piratë, shpella si labirint dhe thesare të fshehura presin lexuesit e vegjël në faqet e këtij libri.
| Autor: | Mark Twain |
|---|---|
| Botues: | Albas |
| Përktheu: | Viola Dona |
| Përgatiti: | Guido Sgardoli |
| Viti i botimit: | 2014 |
| Faqet: | 80 |
| ISBN: | 978-9928-02-441-1 |
600L
Në këtë libër tregohet historia e mrekullueshme e djaloshit të xhunglës, Tarzanit. Prindërit e tij nisen nga Londra drejt Afrikës për të punuar, por gjatë rrugës ata braktisen në xhungël nga kapiteni. Pikërisht këtu lind Tarzani, i cili pas vdekjes së prindërve, rritet nga majmuni Kala. Një ditë Tarzani pa në breg një kasolle të vogël, të ndërtuar mbi një pemë. Tepër kureshtar shkon drejt saj, pa e ditur që ajo ishte shtëpia ku kishte lindur. Po në këtë shtëpi takon dhe bie në dashuri me Xhejnin. Por a do ta braktisë xhunglën dhe a do të takohet me Xhejnin në Londër? Mësojeni këtë në aventurën e Tarzanit.
| Autor: | Edgar Rice Burroughs |
|---|---|
| Botues: | Albas |
| Përktheu: | Lejbjana Hyseni |
| Përgatiti: | Tommaso Percivale |
| Viti i botimit: | 2015 |
| Faqet: | 80 |
| ISBN: | 978-9928-02-608-8 |
Seria e klasikëve për fëmijë vjen e re dhe e freskët, përmes titujve, si Princi i vogël, Piter Pani, Aventurat e Pinokut, Bëmat e Lizës në botën e çudirave, Pipi Çorapegjata, Princi i lumtur dhe përralla të tjera, Zemër. Këto vepra, shumë të njohura nga lexuesi i vogël, vijnë të përkthyera nga veprat origjinale dhe janë shoqëruar me ilustrime të këndshme. Shoqëria me personazhet e tyre do të jetë një kënaqësi e vërtetë për ju.
| Autor: | Oscar Wilde |
|---|---|
| Botues: | Albas |
| Përktheu: | Klodian Briçi |
| Viti i botimit: | 2015 |
| Faqet: | 168 |
| ISBN: | 978-9928-02-795-5 |
Thesari i kapitenit Flint, piratit më gjakatar të të gjitha kohërave, ka qëndruar i fshehur në një ishull të largët. Harta e thesarit i bie në dorë Xhim Hokinsit, një djaloshi që punonte në bujtinën e prindërve. Bashkë me doktor Levsin, kavalier Trelaunin dhe një karakter të dyshimtë të quajtur Xhon Silveri i Gjatë, ata do të vihen në kërkim të thesarit. Çfarë të papriturash e presin të riun Xhim?
| Autor: | Robert Louis Stevenson |
|---|---|
| Botues: | Albas |
| Përktheu: | Viola Dona |
| Përgatiti: | Pierdomenico Baccalario |
| Viti i botimit: | 2014 |
| Faqet: | 80 |
| ISBN: | 978-9928-02-477-0 |
Poliana njëmbëdhjetëvjeçare, pas vdekjes së prindërve, shkon të jetojë në Vermont, me teton e saj hijerëndë, Polin. Megjithatë, vogëlushja nuk pranon kurrsesi t’i nënshtrohet gjendjes së zymtë, por përkundrazi, zgjedh të shohë anën e mirë të gjërave. Me anë të “lojës së gëzimit”, të cilën ia ka mësuar babai, Poliana gjen arsye që të gëzohet në çfarëdo situate dhe përballon çdo pengesë. Vogëlushja i nxit të tjerët t’i bashkohen lojës së saj të gëzimit dhe të ndryshojnë jetën e tyre të zymtë. Mes lojtarëve të rinj janë zonja Snou, Xhon Pendëlltëni, Nensi etj. Të gjithë tregohen bujarë për ta pranuar në jetën e tyre vajzën e hareshme, që nuk njeh lodhje, edhe pse asaj i duhet të përballojë dhe të kapërcejë sfidat e veta.
Edhe pse Poliana cilësohet si roman për fëmijë, në të vërtetë qëllimi i tij është që të lexohet nga njerëz të të gjithë moshave. Autorja paraqet një udhëtim ndriçues në botën e pafajshme fëmijërore, energjia pozitive e së cilës mund të lehtësojë edhe rrethanat më të zymta. Poliana shërben si frymëzim për shumë njerëz, që asnjëherë të mos dorëzohen në jetë dhe ta shohin atë në mënyrë pozitive.
| Autor: | Eleanor H. Porter |
|---|---|
| Botues: | Albas |
| Përktheu: | Klodian Briçi |
| Viti i botimit: | 2017 |
| Faqet: | 256 |
| ISBN: | 978-9928-02-987-4 |
Akuarela në kuti metalike 
Napa 3x, 65x65, Grand Lemon 
Kukulla Harriet, me biberon - Konges Sløjd 
Tollumbaci i madh Swan 
Piter Pani (për të vegjël) 
