LOGICO PRIMO
Mendo, mendo…
Përqendrimi dhe logjika
Ndihmon për të përmirësuar:
• arsyetimin logjik
• të kuptuarit e renditjes së sendeve
• perceptimin pamor dhe përqendrimin
• përcaktimin e ngjashmërive dhe dallimeve
| Autor: | Britta Vorbach |
|---|---|
| Botues: | Albas |
| Përktheu: | Medina Mehmeti |
| Viti i botimit: | 2024 |
| Faqet: | 16 |
| ISBN: | 9978-9928-819-97-0 |
650L
Në këtë libër, fëmijët do të njihen me Odisenë, mbretin trim, të mënçur dhe dinak të Itakës, pas mbarimit të Luftës së Trojës. Zoti i Deteve, Poseidoni, e dënoi atë që të endej për vite e vite nëpër vise të panjohura, të luftonte kundër dallgëve dhe erërave, larg mbretërisë së tij, djalit dhe gruas që e priste me padurim. A arrin ai të largohet nga Kalipsoja që e mbante prej vitesh të izoluar në ishullin e saj e saj? A arrin t’i shpëtojë ciklopit Polifem dhe a kthehet në Itakë për të shpëtuar mbretërinë e tij?
| Autor: | Homeri |
|---|---|
| Botues: | Albas |
| Përgatiti: | Pierdomenico Baccalario |
| Viti i botimit: | 2015 |
| Faqet: | 80 |
| ISBN: | 978-9928-02-611-8 |
“Aventurat e Pinokut” është një prej klasikëve më të njohur në letërsinë mbarëbotërore, shkruar prej autorit italian Karlo Kolodi. Në këtë libër rrëfehet se si një marangoz plak vendos të ndërtojë një kukull druri me një dru që gjen rastësisht në punishte, meqë rronte i vetmuar. Por, ndërsa punonte, ai shpreh me vete dëshirën që kjo kukull të ishte një djalosh i vërtetë, një djalë që atij i ka munguar prej vitesh. Për çudi, Zana Flokëkaltër e dëgjon këtë dëshirë të marangozit plak dhe ajo i jep jetë kësaj kukulle druri. Pikërisht në këtë moment nisin aventurat e mrekullueshme të kësaj kukulle të pazakontë, e cila qesh, qan, bën prapësira dhe ndeshet gjithnjë me rreziqe, që nga kusarët, nga mashtrues si Dhelpra dhe Maçoku, e gjer brenda barkut të një peshkaqeni të madh. Ama, kjo është gjithashtu një histori e vërtetë e dashurisë midis një prindi dhe një djali, i cili në fund arrin të kthehet në një njeri të vërtetë.
| Autor: | Karlo Kolodi |
|---|---|
| Botues: | Albas |
| Përktheu: | Rigel Rizaj |
| Viti i botimit: | 2015 |
| Faqet: | 168 |
| ISBN: | 978-9928-20-619-4 |
Djaloshi çapkën, Tom Sojer dhe miku i tij Hak Fin rikthehen me aventurat e tyre në brigjet e Misisipit. Gardhit i duhet një dorë bojë, por Tomi përton si dreqi. Si do të shpëtojë ai nga kjo angari? Aventura me piratë, shpella si labirint dhe thesare të fshehura presin lexuesit e vegjël në faqet e këtij libri.
| Autor: | Mark Twain |
|---|---|
| Botues: | Albas |
| Përktheu: | Viola Dona |
| Përgatiti: | Guido Sgardoli |
| Viti i botimit: | 2014 |
| Faqet: | 80 |
| ISBN: | 978-9928-02-441-1 |
Poliana njëmbëdhjetëvjeçare, pas vdekjes së prindërve, shkon të jetojë në Vermont, me teton e saj hijerëndë, Polin. Megjithatë, vogëlushja nuk pranon kurrsesi t’i nënshtrohet gjendjes së zymtë, por përkundrazi, zgjedh të shohë anën e mirë të gjërave. Me anë të “lojës së gëzimit”, të cilën ia ka mësuar babai, Poliana gjen arsye që të gëzohet në çfarëdo situate dhe përballon çdo pengesë. Vogëlushja i nxit të tjerët t’i bashkohen lojës së saj të gëzimit dhe të ndryshojnë jetën e tyre të zymtë. Mes lojtarëve të rinj janë zonja Snou, Xhon Pendëlltëni, Nensi etj. Të gjithë tregohen bujarë për ta pranuar në jetën e tyre vajzën e hareshme, që nuk njeh lodhje, edhe pse asaj i duhet të përballojë dhe të kapërcejë sfidat e veta.
Edhe pse Poliana cilësohet si roman për fëmijë, në të vërtetë qëllimi i tij është që të lexohet nga njerëz të të gjithë moshave. Autorja paraqet një udhëtim ndriçues në botën e pafajshme fëmijërore, energjia pozitive e së cilës mund të lehtësojë edhe rrethanat më të zymta. Poliana shërben si frymëzim për shumë njerëz, që asnjëherë të mos dorëzohen në jetë dhe ta shohin atë në mënyrë pozitive.
| Autor: | Eleanor H. Porter |
|---|---|
| Botues: | Albas |
| Përktheu: | Klodian Briçi |
| Viti i botimit: | 2017 |
| Faqet: | 256 |
| ISBN: | 978-9928-02-987-4 |
Aventurat e Hakëlberi Finit 
AVENTURAT E TOM SOJERIT 
Odiseja 
Origjina e specieve 
Sandokani Tigri i Malajzisë 
