Dyqani

Vajza, dallëndyshja dhe fija e flokut është një libër me përralla, ku një pjesë e tyre janë mbështetur te përrallat popullore, ndërsa një pjesë tjetër janë përralla të krijuara nga vetë autori. Në çdo përrallë që do të lexoni, do të njiheni me fabulën interesante, e cila flet për një histori, për një ngjarje që u ndodh personazheve: kafshë, shpendë, fëmijë, kandrra etj. E mira në çdo përrallë shfaqet përmes urtësisë dhe këshillës së mirë, si dhe veprimeve të personazheve që mbartin cilësi dhe virtyte pozitive. Dhe, ju fëmijë të dashur, vlerën e së mirës duhet ta keni dhe ta mbani gjithmonë me vete, sepse ajo u mëson për të vërtetat e jetës.

“Kajani dhe Mbretëria e humbur e Ilirisë” është një udhëtim i mbështjellë me petkun e një përralle, ku bashkë me fëmijët, personazhe jemi edhe ne, prindërit, që u mësojmë fëmijëve tanë prejardhjen, historinë, lidhjen me tokën… Në të vërtetë, do të ndiheni të kapur dorë për dore me ta, dhe ata, me kureshtjen asnjëherë të shuar, guximin për të besuar në forcën e tyre, fantazinë për t’i parë të gjalla përrallat e tregimet, na mësojnë se ata janë heronjtë e vërtetë, për të cilët kemi aq shumë nevojë. Gjatë këtij kërkimi për një mbretëri të humbur, ne rigjejmë një të vërtetë të madhe: lirinë për të mos e humbur kurrë “heroin” brenda vetes.